您的位置首页  儿童故事  成语故事

儿童成语接龙500条

  • 来源:互联网
  • |
  • 2023-03-19
  • |
  • 0 条评论
  • |
  • |
  • T小字 T大字

  我先是接到小朋友个微信,讲年初六要到我屋里来拜年

儿童成语接龙500条

  我先是接到小朋友个微信,讲年初六要到我屋里来拜年。啊呀!伊回去之前勿是讲过初十上班,伊初九回上海嘛?我豪扫回信问伊是勿是日脚打错脱了。三秒钟勿到伊个回信来了:没打错!生无可恋。

  “生无可恋”拨伊搿个九零后讲出来,我是勿会得当真个,伊拉就欢喜搿能吓人倒怪,一定是勒老家碰到啥个勿适意个事体了。拨我讲着唻,一碰头,小朋友就搭我倒苦水:爷娘催婚嘛也就算了,但是去走亲眷,耳朵里向灌进去个侪是一式一样个闲话:几岁啦?好结婚唻!啥人啥人个囡儿已经养了大胖儿子唻!再有个话题就是问收入。搿牌问题对年轻人来讲是隐私,勿好脱随便啥人侪讲个呀!侬想调只话题伐,绕来绕去又会得绕转来。小朋友总结讲:走亲眷走到吓煞人,还有啥意思啦?

  想勿到个是,我屋里向个阿姨也觉着走亲眷没劲。阿姨三年没回老家了,连伊拉爷八十岁生日也没回去。旧年年底新妇养了个虎宝宝,所以今年全家带孙囡回去过年个意思,就勿是一般性个重要唻。阿姨老早就做准备了,脱伊服务个对象一家家请假,讲要过正月十五再好转来。

  阿里晓得初八搿天,阿姨微信通知我,伊已经回上海,可以服务了。我就想勿通唻,伊勿是口口声声讲“有钱无钱,回家过年”嘛?伊种急迫个样子我也相信个,葛末,哪能会得提早转来了呢?

  阿姨讲伊搿趟回老家,还有个“回礼”个事体勒海。虎宝宝养出来,消息传到老家,亲眷侪拿礼金发来过个,伊转去当然要抱勒小人去回礼个呀!还特为请了大师傅烧几桌菜。但是,伊拉个回礼没让亲眷拉满意,菜勿够丰盛,香烟老酒勿上档次,勿像上海回来个人。阿姨肚皮里向气归气末,还是勿好拉破面皮个。结果呢,是走亲眷走出了胸闷,还是快点逃伐!

  我一直是相信走亲眷是联络亲人之间感情个纽带。小辰光我望过年,好到亲眷屋里向去拿压岁钿,还记得外婆屋里向个客堂间里,碰着过年就会得摆两只出来,我个爷踏进门头一桩事体,就是搭丈人丈母跪下来叩头,阿拉搿牌小人也嘻嘻哈哈个脱外公外婆、阿爷阿奶叩头,就好进账压岁钿唻儿童成语接龙500条!

  突然想起来,我也有勿少年数没走亲眷了,最后一趟大概是六七年前头,带勒九十岁个老娘到小娘舅屋里向去吃年夜饭。伊个辰光伊拉屋里向个老房子还没动迁,楼梯末又狭又陡,小娘舅勒前头拉牢老娘个手,我勒后头托好仔老娘个,一步步保护好上楼个。房子是旧个,但是过年个仪式感是一眼也勿少个。小舅妈点好香,拿出平常辰光勿舍得用个碗盏待客。阿拉老娘坐勒当中,笑眯眯个享受每个人对伊个照顾。

  葛么,哪能一记头就淡下来了呢?是勿是现在是多元化个社会了?勿怪是城市还是农村,亲情、人情往来个形式侪勒变化儿童成语接龙500条,微信,视频,电话侪好拜年祝福个,还更加便当,省脱走亲眷个期待。小朋友勿是讲,长辈伊拉勿会顾及伊个隐私嘛?有啥勿理解个啦?从古至今,长辈一直是家族里向最有发言权个呀,伊拉对小辈个关心总归就是生活咾,工作咾,必过呢,伊拉当中有眼人还是老观念,对年纪轻个人欢喜摆出长辈个腔调去讲伊拉。

  还有人讲,搿代年轻人会得成为走亲眷个最后一代,哪能可能呢?阿拉中国是个重亲情个社会,融勒血脉里向个亲缘关系勿会改变,只不过是形式会勿断个变化个。

  当年读过费孝通个“乡土中国”,里向讲到伊出国个辰光,伊个阿妈搭伊包了一包烂泥,叫伊水土勿服个辰光勒饭菜里向摆一眼……

  迪蒙,启迪蒙昧者也。上海市人。原上海大学中文系教师,多年来一直致力于沪语和海派文化的传承。沪语是吴方言的代表方言,是吴侬软语的典范。她既可以用来拉家常,也同样可以用来朗读各类诗歌散文。沪语完全可以书写,同粤语可以写作是一样的。本平台所有文章都是经过改写后,用沪语来演绎的,汉字书写也是正确的。

免责声明:本站所有信息均搜集自互联网,并不代表本站观点,本站不对其真实合法性负责。如有信息侵犯了您的权益,请告知,本站将立刻处理。联系QQ:1640731186
  • 标签:十个必背成语故事
  • 编辑:孙利
  • 相关文章